Холокост музейи Аун Сан Су Чжи га берган мукофотини қайтариб олди
АҚШ даги Холокост музейи раҳбарияти Мянмадаги роҳинжа мусулмонлари мамлакат ҳукумати томонидан оммавий тарзда ўлдирилганлигининг ҳамда армия ва ҳарбийлар Аракан вилоятида этник тозалашлар уюштирганлигининг тасдиқловчи ҳужжат ва далилларни қўлга киритди.
Ҳолбуки, Мянманинг амалдаги ташқи ишлар вазири, собиқ инсон ҳуқуқлари химоячиси Аун Сан Су Чжига мусулмонларга нисбатан бўлган зулм ва зўравонликларни қоралаб тўхтатолмади. Шу боис, 2012 йилда унга эркинлик ва инсон ҳуқуқларини тарғибот қилганлиги учун берилган мукофот музей раҳбарияти томонидан қайтариб олинди. Музей унга йўллаган хатда куйидаги сатрлар ёзилган: “2016-2017 йииларда рохинжалар қирғинбароти авж олган бир пайтда, сиздан инсон ҳуқуқлари ва қадр-қимматини эътироф этадиган фаол сифатида ушбу ҳунрезлик ва ваҳшийликка қарши чиқиб, уни қоралашингизни кутгандик. Бироқ сиз ва партиядошларингиз рохинжаларга нисбатан хусумат ва нафрат уйғотишни, жиноят ва зўравонликларни аниқлаш учун келган журналистларни таъқиб этишни маъқул деб билдингиз. Сиздан ўз мавқе ва жамиятда тутган ўрнингиздан фойдаланиб, рохинжаларга қарши содир этилган жиноятларни тергов қилиб, айбдорларни жавобгарликка тортилишини таъминлашингизни сўраймиз”.