Немис демократлари ҳижобли аёл номзодни қўллаб - қувватлашди
Германиянинг Озодлик демократик партияси аёл номзодининг сайловолди афишаси мамлакат аҳолисида ўртасида мунозарали олиб борувчи таъсир кўрсатди: баъзи фуқароларга сиёсатчи номзоднинг ҳижобдаги сурати маъқул келмади дея ёзади Yeni Şafak.
Озодлик демократик партияси номзоди турк миллатига мансуб Айгул Қилич мусулмон бўлиб, ҳижобда юради, ижтимоий тармоқларда ўзининг янги афишаси билан бўлишди. Facebook тармоғида ўз афишаси билан бўлишгандан кейин тармоқларда фойдаланувчилар томонидан икки гуруҳга бўлинган ҳолда қизғин мунозаралар бошланиб кетди.
Номзоднинг кўринишини маъқул кўрмаганлар аёлнинг ҳижобда намоён бўлишини «босим ўтказувчи, сиқувчи» бош кийими сифатида баҳолашган. Айгулни қўллаб – қувватловчилар эса унинг сайловлардаги иштирокини Германияда истиқомат қилаётган «барча иммигрант ва мусулмонларнинг овози» бўлишини маълум қилишган.
Ноймюнстер шаҳрида 6 май куни ўтказиладиган маҳаллий сайловда иштирок этадиган Қиличнинг номзодини «интеграциянинг муваффақиятли намунаси» дея баҳолашган. У муниципиаль болалар боғчасида ижтимоий муносабатлар ассистенти сифатида ишлаган. Унинг болалари олий таълим олгандан кейин Айгулнинг ўзи ҳам олий таълим муассасасини тамомлашга муваффақ бўлган.
Озодлик демократик партияси етакчиси Вольфганг Кубики ўзининг «Die Welt» нашри учун қолдирган хабарида ҳеч кимнинг номзод аёлни у хоҳ ҳижобда бўлсин хоҳ ҳижобсиз таҳқирлашга ҳаққи йўқлигини маълум қилган. Газетанинг бош редактори Кубикининг фикрини қўшилди, шунингдек, «бош кийими эмас, унинг ичидаги нарса муҳимлигини» қўшиб қўйди.