Қўл бериб кўришишни рад этган муслима француз паспортидан мосуво бўлди
Франциянинг Олий маъмурий суди фуқаролик паспортини эгаларига топшириш тантанали маросимида расмийлар билан қўл бериб кўришишдан бош тортган жазоирлик муслимага Франция паспортини бермаслик ҳақидаги қарорни ўз кучида қолдирди.
Франс пресс ахборот агентлигининг 20 апрел куни маълум қилишича, бу воқеа 2016 йил июн ойида Франциянинг жануби-шарқий қисмида жойлашган Исере минтақасида бўлиб ўтган тантанали маросимда рўй берган.
Аёл Ислом динида эркаклар билан қўл ушлашиб кўришишга рухсат берилмагани боис ўз дини кўрсатмасига амал қилганини таъкидлаган.
Ҳукумат расмийлари муслима аёлнинг хатти-ҳаракати у Франция жамиятга интеграциялаша олмаганини кўрсатиши айтган.
2010 йилда Франция фуқаросига турмушга чиққан муслима аёл 2017 йилда апелляция судига мурожаат қилиб, паспортдан мосуво қилган расмийларни “хизмат салоҳиятини суиистеъмол қилганлик”да айблаган.
Бундай масалалар хусусида якуний сўзни айтадиган Штат кенгаши “ҳукумат расмийлари қонундан нотўғри фойдаланмаган” деб қарор чиқарган.