Масжидга ҳужум қилишни режалаштирган шахсларга умрбод қамоқ жазоси берилиши мумкин
АҚШнинг Вичита шаҳрида тўрт ҳафтадан бери давом этаётган судда ҳакамлар Канзас штатидан бўлган уч эркакни Гарден Сити шаҳрида сомалилик мигрантлар яшайдиган уй ва намоз ўқийдиган масжидга бомба ҳужуми уюштиришга уринганликда айбдор деб топди.
Маҳкама бошланганидан бир неча кун ўтиб федерал ҳакам 50 ёшдаги Сиртис Аллен, 49 ёшли Гавин Райт ва 49 ёшли Южин Стайннинг ҳар бирини оммавий қирғин қуролини қўллашга тил бириктирганлик ҳамда бўлажак қурбонларнинг уйда яшаш ҳуқуқини бузганлик айбловлари қўйилган.
Гавин Райт АҚШ Федерал тергов бюросига ёлғон гапирганликда ҳам айбланган.
Npr.org Интернет нашрига кўра, учовлон умрбод қамоқ жазосига ҳукм этилиши кутилмоқда.
Нашрга кўра, Бош прокурор Жеф Сешшинз суд қарорини “ички терроризм ва нафрат асосидаги жиноятлар”га қарши ғалаба деб атаган.
Айбланувчилар 2016 йилда Доналд Трамп АҚШ президенти этиб сайланишидан бир неча ҳафта олдин қўлга олинган.
Прокурорлар таъкидлашича, улар сайловнинг эртасига мигрантлар яшайдиган бинода оммавий қирғин уюштиришни режалаган.