Хорватияда узоқ кутилган масжид очилди
Ўтган якшанба куни Хорватиянинг Босния ва Херцеговина билан чегарасида жойлашган Боговля қишлоғида мамлакатдаги тўртинчи масжид намозхонлар учун ўз эшикларини очди.
Шу кунга қадар Хорватияда учта масжид фаолият юритиб, улар Загреб, Риеке ва Гунджа шаҳарларидаги мусулмонларнинг ташаббуси билан барпо этилганди. Мамлакат Бош муфтийси Азиз Ҳасанович таъкидлашича, бу ерга келган хорватиялик ёшлар Ислом билан яқиндан танишиш имкониятига эга бўлиб, «муқаддас динимиз ҳайрли-эзгу амаллар қилишга чорлашини ва турли ҳил фитна ва оқимлардан йироқда эканлигини» англаб етишади. Маълумот учун: Хорватиядаги 63 000 мусулмонлар учун жами 26 ибодатхона мавжуд бўлиб, улардан тўрттаси масжид мақомига эгадир.