Бутун жаҳонда машҳур хаттот Усмон Тоҳани ҳайрон қолдирган ҳолат

Бутун жаҳонда машҳур хаттот Усмон Тоҳани ҳайрон қолдирган ҳолат

Ислом оламида танилган Қуръон хаттоти Шайх Усмон Тоҳа, Аллоҳ Каломининг жаҳонда энг оммавий бўлган нусхани ёзган хаттот сифатида маълум бўлган, Қуръонни ёзиш пайтида унда юз берган ғалати ҳолат ҳақида гапириб берди, деб хабар қилади International Quran News Agency.
Бир куни у, одатдагидек, Қуръон бетини ёзиб тугатди, кейин эса таҳорат олиб, пешин намозини ўқиш учун чиқиб кетди. Ўз иш жойига қайтганда у бутун меҳнати қаергадир йўқолганидан жуда ҳайрон бўлиб қолди. Қуръон оятлари ёзилган бет ўрнига олдида оппоқ қоғоз варағи ётар эди: ҳаммаси ўчиб кетди. Ишдан кетаётганда у узоқ вақт ҳайрон бўлиб қолаверган. У ҳаттоки бу жинларнинг ишимасмикин, деб ўйлади.
Лекин эртасигаёқ, эрталабки намоз ўқиш учун масжидга кетаётганда, Усмон Тоҳа гап нимадалигини тушунди. Унинг сўзига қараганда, аввалги асрларда буюк хаттолар доимо сиёҳга озгина асал қўшишни маслаҳат берганлар. Бу ҳарфларни ялтиратиб, ёзувни гўзаллаштирар эди. У ҳам шу куни айнан шундай қилган эди. Намоз ўқиш учун чиқиб кетганда эса, ёзувлар ҳам нам бўлиб, пашшалар ширин таъмли сиёҳнинг ҳаммасини еб қўйган.
Шайх Усмон Тоҳа 1970 йилда Сурияда Вақф вазирлиги ҳузурида биринчи мусхафни (Қуръоннинг ёзма нусхасини) хаттотлик ёзуви билан кўчирган инсон сифатида танилганлигини эслатиб ўтамиз.
У Алеппо шаҳрида 1934 йилда туғилган, ва кўпгина буюк усталардан хаттотлик сирларини ўрганган, уларнинг ичида замонавий даврнинг энг машҳур хаттотларидан бири, элга таниқли шайх Муса Азмий бўлганлар. 1988 илда у Саудия Арабистонига келиб, Мадина шаҳрида Қирол Фаҳд номидаги Қуръони Шарифни нашр этиш мажмуасида хаттот бўлиб ишлаган. Шайх Усмон Тоҳанинг қўлёзма Қуръони жаҳонда энг машҳур мусхафлардан бири – Мадина мусхафи учун асос қилиб олинган, у Мажмуа томонидан Қуръоннинг босма нусхаларини чоп этиш учун фойдаланилади.
Шу 1988 йилнинг ўзида у Истамбул шаҳрида уч йилда бирмарта ўтказиладиган арабча хаттотлик бўйича халқаро мукофот ғолиби бўлган.
Ушбу Мажмуада 30 йиллик иши давомида Шайх Усмон Тоҳа 10 тадан ортиқ мусхафларни ёзган. Бу давр мобайнида бутун жаҳон бўйлаб Қуръоннинг 200 миллионлан ортиқ нусхалари чоп этилган. Маълумки, мусхафни ёзиш 3 йилдан ортиқ вақт эгаллайди, яна бир йил эса текшириш ва таҳрир қилиш учун зарур бўлади.
Шайхнинг гўзал, аниқ, осон ўқиладиган услуби нусхаларни яратиш учун ҳам фойдаланилади, ва “Мусхаф ат-Тажвид” номи билан машҳур бўлган.