“Реал”нинг собиқ ўйинчиси Исломни қабул қилиши сабабини маълум қилди
Испаниянинг “Реал Мадрид” футбол жамоасининг франсиялик собиқ ўйинчиси Жюльен Фобер Исломни қабул қилиши сабабини маълум қилди. Ёшлигидаги мусулмон ўртоқлари билан қалинлиги уни бу дин ҳақида изланишга ундаган. Натижада ўзида қониқиш ҳосил қилганидан сўнг Исломни қабул қилишга қарор қилган. “Бордо” жамоаси ўйинчисини ёшликда Лу Ҳафер шаҳрида бирга ўсган мусулмон дўстларининг чиройли муомаласи уларнинг шахсий ҳаётлари билан кўпроқ танишишга чорлаган.
Кейинчалик жазоирлик муслимага уйланган Жюльен: “Мен англаб етдимки, дўстларимнинг чиройли ахлоқи сабаби уларнинг Ислом таълимотларини татбиқ қилишлари экан. Мана шу мени бу диннинг моҳиятини ўрганишга ундади ва мен унда энг олий ахлоқий қадриятлар ва бағрикенгликни топдим”, дейди.