Тошкентда Ўзбек тилига тўлиқ таржима қилинган насронийлар китобининг тақдимоти бўлиб ўтди
Podrobno.uz сайтининг хабар беришича, Тошкентда Успенский кафедрал соборида Ўзбекистон Библия жамиятининг 20 йиллик юбилейи бўлиб ўтди.
Тошкент ва Ўзбекистон митрополити Викентий, Вазирлар маҳкамаси қошидаги диний ишлар қўмита раиси Ортиқбек Юсупов, Инжилчи-лютеран черковининг епископи Корнелий Вибе, Ўзбекистондаги Рим-католик апостол черковининг маъмурияти вакили Ежи Мацулевич ҳамда Россия, Украина, Норвегия, АҚШ ва Ҳиндистондан ташриф буюрган библия жамиятининг меҳмонлари табрик сўз билан чиқиш қилдилар. Жамиятнинг 20 йиллик фаолияти бўйича Жамиятнинг бош котиби Ҳолмат Аширов сўзга чиқиб ҳисобат берди.
Тадбир доирасида четдан олиб келинган китоблар, ҳамда Жамият тарафидан Ўзбекистонда нашр қилинган китоблар тақдим қилинди. Ҳусусан, Ўзбек тилига тўлиқ таржима қилинган ва Ўзбекистонда чоп этилган "Муқаддас китоб" (Янги аҳд) тақдимоти бўлиб ўтди.
Ушбу тадбир Успенский кафедрал соборига саёҳат қилиш билан якунига етди.