Эрдоған сайловнинг биринчи босқичидаёқ ғолибликни қўлга киритган
“Hürriyet Daily News” интернет нашрининг маълум қилишича, 2014 йил 10 август якшанба куни Туркияда бўлиб ўтган президентлик сайловининг илк натижаларига кўра мамлакатнинг амалдаги Бош вазири Режеп Таййип Эрдоған сайловнинг биринчи босқичидаёқ ғолибликни қўлга киритган.
Унга сайловда қатнашганларнинг салкам 52 фоизи овоз берган. Сайловда иштирок этган яна бошқа икки номзод: Экмеледдин Меҳмет Иҳсаноғлу 38 фоиз, Селаҳиттин Демирташ эса 10 фоиз овоз тўплаганлар. Шундай қилиб, Режеп Таййип Эрдоған Туркия Республикасининг ўн иккинчи президенти ва мамлакат тарихида илк бор бевосита умумхалқ сайловида сайланган биринчи раҳбари сифатида фаолият юритиши аниқ бўлди.