Баронесса Саййида Варси истеъфога чиқди
“The Guardian” нашри тарқатган хабарга кўра, Британия ташқи ишлар вазирининг ўринбосари баронесса Саййида Варси мамлакатнинг Ғазо сектори бўйича “маънан ҳимоя қилиб бўлмайдиган” сиёсати сабабли истеъфо берган.
Саййида Варси Бирлашган Қиролликнинг Бош вазири Дэвид Камерон номига 2014 йил 5 август куни йўллаган мактубида жумладан шундай дейди: “...сиёсатдан кейинги ҳаётимда мен қабул қилган ёки қўллаб-қувватлаган қарорларим учун ўзим билан яшай олишим шарт. Ҳозирда ҳукумат таркибида қолсам, бундай бўлишига менда ишонч йўқ”. Варси хоним ўзининг Twitter’даги профили орқали билдирган фикрига кўра, у “мамлакат (Британия)нинг Ғазога нисбатан сиёсатини ортиқ қўллаб-қувватлай олмайди”.