БАА, Қатар, Кувайт – хорижда туғилган резидентлар бўйича етакчи
АҚШда жойлашган “Pew Research Center” тадқиқотлар марказининг келтирган маълумотларига кўра, Бирлашган Араб Амирликлари хорижда туғилган резидентларининг сони бўйича жаҳон мамлакатлари орасида биринчи ўринга чиққан. Ундан кейинги ўринларни мос равишда Қатар ва Қувайт давлатлари эгаллаб туришибди.
Ўтказилган тадқиқотларга кўра, мазкур кўрсаткич БААда умумий аҳолига нисбатан 84 фоизни, Қатарда – 74 фоизни, Қувайтда – 60 фоизни ташкил этмоқда. Баҳрайн аҳолисининг таркибида ҳам хорижда туғилган резидентлар миқдори тобора ошиб бораётганлиги ва ҳозирда 55 фоизга етганлиги маълум қилинган.
Айтилишича, бундай резидентларнинг асосий қисми Ҳиндистон, Бангладеш ва Покистондан келмоқда. Жумладан, биргина Кувайтнинг ўзида хорижда туғилган ва мазкур мамлакат резидентларига айланган кишилар сони 1990 йилда 1,3 миллион нафарни ташкил этган бўлса, 2013 йил якунлари бўйича ушбу кўрсаткич 7,8 миллион кишига етган.