Халқаро математиклар уюшмасига муслима раҳбар бўлди
- Written by Administrator
Халқаро математиклар уюшмасига муслима раҳбар бўлди
Математика фанини жаҳон миқёсида ривожлантириш билан шуғулланувчи Халқаро математика уюшмасига Саудия Арабистонида туғилиб ўсган Самира Азиз раҳбар қилиб тайинланди. Самира хонимдан ташқари уюшма раҳбариятига АҚШ, Ҳиндистон ва Бангладеш вакиллари ҳам тайинланган.
Самира Азиз турли мамлакатлардан вакил қилинган 158 та номзод ичидан танлаб олинди. Самира хоним янги лавозимга тайинланиши муносабати билан бир қатор тадбир ва фестиваллар ўтказиш режалаштирилганини маълум қилди.
«Баъзи ижтимоий муаммолар бўлишига қарамай, саудиялик аёллар фуқаролик жамияти томонидан қизғин қўллаб-қувватланмоқда. Саудия Арабистони ҳукумати уларга керакли ҳар қандай ёрдамни таклиф қилмоқда. Аёллар меҳнат қилиш ва муваффақият қозонишлари учун чуқур билим ва юқори малакага эга бўлишлар керак», деди у.
Маълум бўлишича, Самира Азиз ҳинд кино индустрияси Болливудда суратга олинган фильмларни суратга олган биринчи саудиялик режиссёрлик бўлган, урду тилида китоб нашр қилган биринчи саудиялик адиба бўлган.