Уч нарса борки… (10-қисм)
- Written by Администратор
Уч нарса борки… (10-қисм)
Шайх Исҳоқ Наҳржурий шундай дейди: «Аллоҳга хос (яқин) кишилар уч ўринда севингайлар:
1. Халқдан йироқ бўлиш билан;
2. Аллоҳга яқин бўлиш билан;
3. Тоатга қувватли бўлиш билан».
* * *
Баъзи ҳукамолар айтадиларки:
«1. Фақат ақлига суянган киши адашади.
2. Моли билан беҳожат бўлган кишининг моли озаяди.
3. Махлуқ билан азиз бўлган киши хўрланади».
* * *
Пайғамбар алайҳиссалом айтадилар: «Уч хил киши борки, уларнинг ҳолини мендай сўрамай қўяқолинг:
1. Жамоатни тарк этиб, ўз султонига бўйсунмай, осий ҳолида ўлган одам;
2. Хожасидан қочиб ўлган одам;
3. Дунёвий ҳожатларига яраб турган эри йўқлигида ўзига оро бериб, ясаниб, очиқ-сочиқ кўчага чиқадиган аёл».