Уч нарса борки… (12-қисм)
- Written by Администратор
Уч нарса борки… (12-қисм)
Абу Сулаймон Дороний шундай деган:
«1. Дунёда-ю охиратдаги ҳар бир яхшиликнинг асли Аллоҳдан қўрқишдир;
2. Дунёнинг калити – тўқликдир;
3. Охиратнинг калити – очликдир».
* * *
Молик ибн Динор шундай деган: «Уч нарсани уч нарса билан ушлай олсанг, мўмин бўласан:
1. Кибрликни тавозеъ билан;
2. Очкўзликни қаноат билан;
3. Ҳасадни насиҳат билан».
* * *
Расулуллоҳ соллаллоҳу алайҳи васалламдан шундай ривоят қилинади: «Уч хил киши борки, Аллоҳ таоло қиёмат куни уларга раҳмат назари билан боқмайди:
1. Ота-онасини норози қилиб, уларга оқ бўлган киши;
2. Ўзини кийим-пардозда эркакларга ўхшатган аёл;
3. Ўз хотинини рашк қилмайдиган эр».