Миср суди Муборакка қўйилган айбловни бекор қилди
Миср суди ушбу мамлакатнинг собиқ президенти Ҳусний Муборак ҳамда унинг ўғиллари Аъло ва Камолга нисбатан “намойишчиларни ўлдирганлик” ва “Исроилга газ экспорт қилишда коррупцияга йўл қўйганлик” бўйича илгари сурилган айбловларни “техник сабаблар ва юрисдикциянинг етишмовчилиги” сабабли бекор қилди. Муборак президентлиги даврида ички ишлар вазири лавозимида ишлаган Ҳабиб ал-Адлий ҳамда хавфсизлик хизматининг олти нафар қўмондонлари эса ўша 2011 йилда бўлиб ўтган оммавий тартибсизликларнинг қатнашчиларини ўлдирганликда айбдор деб топилди. Бу ҳақида қатор оммавий ахборот воситалари хабар қилмоқдалар.
Эслатиб ўтамиз, 2011 йилда Мисрда бўлиб ўтган оммавий тартибсизликлар натижасида собиқ президент Ҳусний Муборакнинг ўттиз йиллик ҳукмронлиги тугатилган эди. Ўшанда норозилик намойишларининг 846 нафар қатнашчиси ўлдирилган эди. Суд томонидан ўша қотилликларнинг фақат 239 таси иш доирасида кўриб чиқилганлиги айтилмоқда. Муборакка нисбатан 2012 йилда чиқарилган умрбод қамоқ жазоси ҳам аппеляция суди томонидан “техник сабабларга кўра” бекор қилинган эди.