Россия Урдунда атом электр станциясини қуради
“Middle East Monitor”нинг хабар қилишича, Россиянинг давлатга қарашли “Росатом” ширкати Урдунда биринчи атом электр станциясини қуриш ишларида ҳамкорлик қилади. Россиянинг Бош вазири Дмитрий Медведев ўтган ҳафтада бу тўғрисидаги келишувни имзолаган. АЭС бўйича тузиладиган қўшма корхонада Россиянинг улуши 49,9 фоизни, Урдунники 50,1 фоиз (назорат пакети)ни ташкил этади.
Барпо этиладиган АЭС иккита реактордан иборат бўлиб, уларнинг ҳар бири 1000 мегаватт электр энергиясини ишлаб чиқариш қувватига эга бўлади. Қурилиш жадвалига асосан, биринчи реакторнинг ишга туширилиши 2024 йилга мўлжалланган, иккинчисиники эса – 2026 йилга.