"Нусра жабҳаси" имоми Нававий мақбарасини портлатиб юборди
Сурияда машҳур Ислом олими имоми Нававий мақбараси портлатиб юборилди. Унинг мақбараси XIII асрдан бери турган эди. Бироқ, Сурия инсон ҳуқуқлари обсерваторияси агентлиги тарқатган хабарга кўра, мақбара "Нусра жабҳаси" гуруҳи аъзолари тарафидан портлатилган.
Имомнинг қабри Сурия жанубидаги Нава шаҳрида жойлашган эди. Ўтган йили ноябр ойида бу шаҳарни Асад режимидан ҳарбий гуруҳлар қўлига ўтган эди.