Рим папаси "Charlie Hebdo"га бўлган ҳужум ҳақида
Рим папаси Францискга кўра, "сўз эркинлиги" тушунчасининг чегараси бўлиши керак. Францияда жойлашган "Charlie Hebdo" журналига уюштирилган ҳужум ва бунинг оқибатида 10 та одам ўлганига ўз муносабатини билдира туриб, понтифик шу маънодаги гапларни айтган, деб хабар қилади "Новое время" NBC Newsга таянган ҳолда. "Иймон устидан кулишга ҳеч кимнинг ҳаққи йўқ. Ким шундай қилса, жавоб зарбани кутиши керак", деди папа ва виждон эркинлиги, шунингдек сўз эркинлиги инсоннинг фундаментал ҳуқуқлари эканини таъкидлади.
"Иғво қилиш мумкин эмас, бировнинг динини камситиш, унинг устидан кулиш мумкин эмас. Чегара бўлиши керак. Ҳар бир дин ўз шарафига эга... Сўз эркинлигининг чегараси бўлиши керак, у яхшиликка хизмат қилиши лозим", деди католик черковининг етакчиси .
Эслатиб ўтамиз, олдинлари бор 60 минг атрофида нашр буладиган, кеча эса 5 миллион тиражда босиб чиқилган Charlie Hebdo журналининг сўнгги сонининг муқовасида яна Расулуллоҳ саллаллоҳу алайҳи вассаломни мазах қилинган карикатура босиб чиқарилди. Муқовадаги расмни тайёрлаган Луз исмлик бадбахт карикатурчи, французларни Франция ва бутун дунёда сўз эркинлигини қўллаб-қувватлаш учун журналнинг янги сонини сотиб олишга чақирди.