Чеченистон марказида Ислом қадриятларини ҳимоя қилишга қаратилган намойиш бўлиб ўтди
Чеченистон пойтахти Грозний шаҳрида минглаб одамлар пайғамбар Муҳаммад (с. а. в.) тасвирланган карикатураларнинг оммалаштирилишига қарши норозилик намойишига чиқдилар. Охирги маълумотларга қараганда, “Пайғамбар Муҳаммадга муҳаббат” шиори остида ўтаётган ушбу намойишда 800 минг киши қатнашди. Акцияда иштирок этиш учун Россия Федерациясининг бошқа минтақалари, жумладан, Ингушетиядан одамлар ташриф буюрди.
Чеченистон раҳбари Рамазон Қодиров оила вакиллари билан бирга манифестацияга қўшилди. У ўн минглаб намойишчилар қаршисида нутқ сўзларкан, Россия мусулмонлари уларни мамлакатдаги вазиятни беқарорлаштиришчи омил сифатида қўллашларига йўл қўймасликларини айтиб ўтди. “Ислом тинчлик ва бунёдкор динидир, – деб таъкидлаб ўтди республика раҳбари. – У бизларни мамлакатимиздаги барча халқлар, турли дин вакиллари билан елкама-елка, тинч-тотув яшашга ўргатади. Биз Муқаддас Қуръон ва Суннада акс этган ушбу кўрсатмаларга амал қилиб яшаймиз”.
Грозний шаҳри ҳокимияти олдидаги майдонда тўпланган одамлар Аҳмадҳожи Қодиров номидаги “Чеченистон юраги” масжиди томон йўл олдилар. Тадбир минглаб мусулмонлар иштирокида адо этилган жамоа намози билан якунланди. Рамазон Қодиров навбатдаги намойишга бир миллион мусулмонни олиб чиқишга ваъда берди.