Сичқон масжиддагиларни саросимага туширди
Марокашнинг Касабланка (ад-Дорул Байда) шаҳридаги масжидда сичқон пайдо бўлиши туфайли юзага келган кишилар тиқилинчида 80 дан ошиқ киши, асосан аёллар жабрланишди.
Ҳодиса Рамазоннинг 27 – Қадр кечасини ўтказиш учун юзлаб кишилар йиғилган пайтда содир бўлган. Morocco World News янгиликлар порталининг хабар беришича, ваҳима сичқон аёллардан бирига сакраганидан сўнг пайдо бўлган. Юзага келган тиқилинчда 81 киши, асосан аёллар жабрланган. Бир ҳомиладор аёлнинг оёғи икки жойидан синган, аммо кўпчилик енгил жароҳат олган холос. Порталнинг маълумотларига кўра, тиббий ёрдамга 70 та аёл мурожаат қилганлар.