Мисрлик миллиардернинг қочоқлар учун орол сотиб олиш режаси амалга ошиш арафасида
Минтақанинг бойларидан бири бўлган Нагиб Савирис, Грецияга қарашли иккита шахсий оролнинг номини зикр қилиб, бу ороллар ўзининг режаси учун мос келишини айтди. "Биз уларнинг мулкдорлари билан боғландик ва улар билан савдолашиш режамиз борлигини билдирдик," деди Савирис ўзининг баёнотида.
Унинг қочоқлар учун ҳавфсиз бошпана яратиш режаси аввал баъзилар тарафидан кулгига олинган эди, аммо Савирис донорлар унинг бу режасига жуда қизиқиб қолганлигини билдирган.
"Мен қайиқларнинг келиши учун кичик порт қураман. Уларга уй, мактаб, шифохона, дорилфунун ва меҳмонхона қуриб бериши учун одамлар ёллайман," деб айтди Савирис. Шунингдек, унинг фикрига кўра у 100-200 минг қочоқга бошпана бериши мумкинлигини ҳам билдирди.
Саййид тайёрлади