Норвегияда исломий банк хизматлари
2017 йил 23 январь
Норвегиянинг Storebrand банки ўз мижозларига Ислом аҳкомларига мувофиқ келувчи хизматларни таклиф қилди. Жумладан, мамлакатнинг энг йирик банкларидан бири бўлган Storebrand фоизсиз кредитлар беришга тайёрлигини эълон қилган.
Бу хизмат биринчи навбатда эътиқодига кўра рибога йўл қўймаслик мақсадида кредит олмайдиган мусулмон мижозлар учун мўлжалланган бўлиб, мижозлар бундай ҳалол кредитлар ёрдамида уй-жой сотиб олишлари мумкинлиги айтилмоқда. Бу хайрли ташаббус мамлакат аҳолиси ўртасида қизғин кутиб олинди. Эълондан кейинги ўтган бир ҳафтанинг ичида банкка исломий кредит олиш учун 330 киши мурожаат қилган, деб хабар қилади Islam-today.