20 дан ортиқ бола асраб олган чол ва кампир
Сўнгги 15 йил ичида малайзиялик Зовия хоним ҳамда унинг турмуш ўртоғи Исмоил Атна йигирмадан ортиқ болани асраб олиб, тарбиялаб, улғайтиришди. Бу болаларнинг баъзилари туғма мажруҳ, ақлий ногиронлар бўлиб, ҳатто тутқаноққа чалинганлари ҳам бор. Уларни парвариш қилишга чол-кампирнинг тўрт фарзанди ёрдамлашади.
Зовия хоним 56 ёшда, Исмоил ҳожи 60 ёшда бўлишига қарамай, муҳтожларга ғамхўрлик қилишда давом этиб келмоқа. «Ёшимиз анчага бориб қолди, лекин икки яшар фарзандимизни ҳам, олти ойлик чақалоғимизни ҳам ёш ота-онадек парвариш қиляпмиз», дейди Зовия хоним.
Ота-онаси Сайфуллоҳни ҳамда унинг укаси ва сингилларини асраб олишганда етти яшар эди. Зовия хоним ҳаяжон билан эслайди: «Таксида тўртта болани олиб келишгани ҳеч қачон эсимдан чиқмайди. Ўзимни йўқотиб қўйганман. Бечора қаровсиз болаларнинг қорни оч, уст-боши кир-чир эди. Бир қизча эса битлаб кетган экан. Сайфуллоҳ тез-тез дарс қолдирарди. Уларнинг ҳар бирини ўз боламиздек кўришга ҳаракат қилардик». Яна бир асраб олинган болани ҳар 2-3 соатда найча орқали овқатлантириш керак. Аммо чол-кампир меҳрибонлик билан бунинг ҳам уддасидан чиқмоқда.
Исмоил Атнанинг айтишича, оиланинг иқтисодий ҳолати айтарлик зўр эмас, лекин болалар учун керак нарса доим топилади, чунки Раззоқ сифатли Аллоҳ барча хайрли ишларда Ўзи мададкор бўлиб турибди.
Манба: ansar.ru