ИҲТ Исроилнинг Масжидул-Аксо ҳудудида бино қуриш режасини қоралади
Ислом ҳамкорлик ташкилоти Исроил ҳукумати томонидан Масжидул-Акса ҳудудида шиша билан ёпилган иншоат қуриш қарорини қоралади.
Эслатиб ўтамиз, тарихий масжидда яҳудийлар ибодат қилиш ҳуқуқини берувчи қарор суд томонидан шу кунларда қабул қилинди. ИҲТнинг Фаластиндаги бўлими вакили Аҳмад Рувайди ва Қуддус муфтиси шайх Муҳаммад Ҳусайн билан биргаликда ўтказилган матбуот анжуманида «Ушбу иншоат Масжидул-Ақсо яхлитлигига путур етказади», - деди Аҳмад Ар-Рувейди. Бундан ташқари у Исроил ҳукуматини Ал-Акса масжидининг ҳудуди Қуддуснинг тарихий қисмида археологик қазилмалар ўтказишни тўхтатишга чорлади.