Эронда президентликка сайлов кампанияси бошланди
Эроннинг собиқ президенти Маҳмуд Аҳмадинажод кутилмаганда президентликка ўз номзодини қўйди.
Айтиш керакки, Аҳмадинажоднинг бу сиёсий қадами Эроннинг диний раҳбари Оятуллоҳ Ҳаменеининг тавсиясига зиддир. Эронда президентлик сайлови шу йилнинг май ойида бўлиб ўтади. Аҳмадинажоднинг асосий рақиби амалдаги президент Ҳасан Руҳонийдир. Бироқ у ҳали сайловда иштирок этишини маълум қилмади. Эслатиб ўтамизки, Аҳмадинажод икки муддат кетма-кет президент лавозимини эгаллаб турган. Мамлакат қонунларига кўра, у аввалги муддати тугагандан кейин тўрт йил ўтгандан сўнггина яна бу лавозимга сайланиш ҳуқуқига эга.