Ўнлаб шаҳарликлар қўлларида елим ва қоғоз билан шошдилар - нима учун?
Полиция ходимлари ҳам масжидга қатновчиларга ўз ҳурматларини билдириш учун етиб келдилар.
Манчестер аҳолиси британияликларнинг аксарият кўпчилиги исломофобияни ва инсонга нисбатан диний ёки миллий белгиларига кўра нафратни қабул қилмаслигини яна бир бор исботлаб бердилар. Манчестердаги концертда содир этилган терактдан сўнг шаҳар мусулмонлари фожеадан ғамга тушдилар, шунингдек, террорчининг шахсияти туфайли юзага келиши мумкин бўлган исломофобия учқунлари алангаланишидан хавотирга ола бошладилар. Хавотирлари ўринли бўлиб чиқди - бир неча соатдан кейиноқ бузғунчилар ёнувчи суюқликлар билан Олдхемдаги Жамия Касмия масжидига хужум қилдилар. Душанба куни Британияда давлат байрами эди ва Манчестернинг ўнлаб аҳолиси дам олиш кунларининг маълум қисмини зарар кўрган масжид учун ажратишга қарор қилдилар, дея хабар беради IslamNews Manchester Evening Newsга асосланган ҳолда. Масжидга қатновчилардан бири Абдул Ҳақнинг айтишига қараганда, ташаббус икки ўсмирнинг юрак шаклидаги қўғозчаларни масжид эшигига келиб ёпиштиришларидан бошланган. Кейинги бир неча соатда яна бир неча ўнлаб кишилар яхши ниятлар битилган номаларни масжидга ёпиштириб кетганлар. “Ибодат қиладиган масканингиз кўр-кўрона нафрат оқибатида зарар кўрганидан афсусдаман. Биз исломофобияга қаршимиз”, - деб номалардан бирига ёзилган экан. Бошқасида еса “Биз - бир оиламиз, ва биргаликда биз катта кучмиз” деган ёзувни кўриш мумкин. Масжидда қолдирилган номаларнинг сони 100 та атрофида экани айтилмоқда.
Абдулатиф Иргашев таржимаси