Масжид қошидаги клиника барча конфессиядаги одамларга ёрдам бермоқда
АҚШ Мэриленд штатининг Силвер-Спрингсдаги Мусулмонлар жамоаси марказининг тиббиёт клиникаси энг замонавий медицина хизматлари ва технологиялари билан жиҳозланган.
Унда турли этник гуруҳлар вакилларидан иборат беморлар даволанадилар. Уларнинг аксарияти инглиз тилини билмайдилар ва фақат ўз она тилида гаплаша оладилар. Шунинг учун ҳам клиника дунёнинг турли мамлакатларидан ходимларни ёллаб, мижозлари билан мулоқотини енгиллаштиришга ҳаракат қиладилар.
“Бизда африкаликлар кўп, шунингдек, урду, ҳинди, бенгал, испан, француз ва бошқа тилларда сўзлашувчи одамлар кўп”, - дея қайд этди клиниканинг ижрочи директори доктор Рашид Чотаний
Қизиғи шундаки, клиника Мэриленд штатидаги масжид базасида фаолият юритади. Шунга қарамай, 50 фоиздан кам бўлмаган беморлар ўзга конфессиялар вакилларидир, дея хабар беради ummamag.kg.
“Биз нафақат мусулмонларга, балки ёрдам сўраб мурожаат қилганларнинг ҳаммасига хизмат кўрсатамиз”, - дея қўшиб қўйди доктор.
Эслатиб ўтамиз, мазкур клиника доктор Асиф Қадрий томонидан 2003 йилда асос солинган. Бу ерда ходимлар дастлаб ихтиёрий тарзда кўнгилли бўлиб ишлаганлар ва беморларни фақат ҳафтанинг бир кунида қабул қилганлар.
Бугунги кунда клиника дам олиш кунларисиз медицина ёрдамини кўрсатиб келади. Бир йил давомида 17 мингта беморни қабул қила олиши мумкин.