Беш Нафар гўдак Мянмадаги зулм қурбони бўлди
Роҳинжа миллатига мансуб камида беш гўдак золим тузумдан қочишга уриниш натижасида Мянманинг Бангладеш билан чегарасидаги дарёга чўкиб кетди.
Болалар ва катталар билан кетаётган қочоқлар қайиғи Мянмани Бангладешдан ажратиб турувчи Наф дарёсига чўкиб кетди. Ҳозирча дарёдан ҳалок бўлганларнинг маълум қисми жасадлари чиқариб олинган, қурбонлар сони эса ҳали ортиши мумкин, деб хабар бермоқда IslamNews Al Jazeera га таяниб.
«Ҳозирча дарёнинг турли жойларидан 5 та ўғил бола ва қиз болаларнинг жасади топилган», – деди Бангладеш чегара хизмати ходими Алойсиус Сангма.
Бундан ташқари икки мамлакат чегаралари бўйлаб бирмалик ҳарбийлар томонидан жойлаштирилган миналар портлаши оқибатида жабр кўрган болалар ҳақида хабарлар пайдо бўлмоқда. Бангладеш чегара хизмати маълумотларига кўра, мянмалик ёш роҳинжа боланинг оёқлари узилиб кетган ва у қўшни мамлакат касалхоналаридан бирида ётибди.