Эрдўғоннинг рафиқаси роҳинжаларга ёрдам олиб борди
Турк президентининг рафиқаси Омина Эрдўғон мянмалик ҳарбийлар томонидан ўз ватанидан қувиб чиқарилган қочқин роҳинжа мусулмонлари билан учрашиш учун Бангладешга келди.
У билан бирга инсоний ҳалокатлар ҳудудига Турк ҳамкорлик ва кооперация агентлиги (TIKA) томонидан салмоқли инсонпарварлик ёрдами ҳам жўнатилди.
Туркия ташқи ишлар вазири Мавлуд Човушўғлининг баён қилишича, Туркия президенти Ражаб Тойиб Эрдўғоннинг Мянма раҳбари билан телефон суҳбатидан сўнг Мянма ҳудудидаги роҳинжа мусулмонларига инсонпарварлик ёрдами кўрсатиш учун рухсат берилган.
Келишувга кўра, TIKA роҳинжа мусулмонларига кийим-кечак, озиқ-овқат, кўрпа-тўшак каби зарур нарсалардан иборат 1000 тонна гуманитар ёрдам етказиб беради. 100 000 оилага мўлжалланган юк ҳалокат ҳудудига вертолётлар ёрдамида етказиб берилади.
Эслатиб ўтамиз, аввалроқ Туркия роҳинжа қочоқларини қабул қилишни ва уларга кетаётган сарфларни қоплашни истамаётган Бангладешни қочқинлар учун дарвозаларини очишга чақирганди.
Шунингдек, айтиш жоизки, Омина Эрдўғон аввал ҳам роҳинжалар олдига борган ва улар учун инсонпарварлик акцияларида иштирок этган эди.