Малайзия роҳинжа қочқинларига вақтинчалик бошпана беради
Малайзия ҳукумати Мьянмалик қочқинлар – этник озчилик бўлган роҳинжа вакилларига вақтинчалик бошпана беради. Бу ҳақида жума куни Малайзия кемачилик агентлиги раҳбари Зулқифли Абу Бакр маълум қилди.
Унинг сўзларига кўра, аввалига денгиз орқали келаётган қочқинлар Малайзиядан зарур ёрдамни олиб йўлларида давом этаверишлари режалаштирилганди. “Аммо инсонпарварлик нуқтаи назаридан биз уларни йўлларида давом этишга мажбурламаймиз”, – деди амалдор. Шунингдек, у қочқинлар одатда ҳужжатсиз хориж фуқаролари яшаб турадиган махсус эмиграция марказларига жойлаштирилиши мумкинлигини айтди.
Малайзия Қочқинлар мақоми бўйича конвенцияга қўшилмаган, шу сабабли уларни ноқонуний мигрантлар сифатида кўради. Аммо кўп йиллардан бери Мьянма ғарбида давом этаётган буддистлар ва мусулмонлар (этник озчилик бўлган роҳинжалар) ўртасида давом этиб келаётган тўйнашувлар натижасида Малайзияга 100 мингдан ортиқ мусулмонлар қочиб ўтган.