БМТ хавфсизлик кенгаши сўнгги тўққиз йил ичида илк марта Мянма бўйича баёнотини мувофиқлаштирди
БМТ хавфсизлик кенгаши сўнгги тўққиз йил ичида илк марта Мянма бўйича баёнотини мувофиқлаштирди, унда Аракандаги роҳинжа мусулмонларига нисбатан армия томонидан ҳаддан ортиқ куч ишлатилганидан чуқур ташвиш изҳор қилинган бўлиб, бу ердаги зўравонликларга имкон қадар тез барҳам бериш сўралади, дея хабар беради Анадолу ахборот агентлиги.
“БМТ хавфсизлик кенгаши армия томонидан аҳолига нисбатан ҳаддан ортиқ куч ишлатилишидан ташвишда ва бу ҳужумларни қоралайди. Хавфсизлик кенгаши Аракандаги зўравонликка зудлик билан чек қўйиш, тарангликни камайтириш ва оддий фуқароларни ҳимоя қилишга чақиради”, – деди Хавфсизлик кенгашининг ёпиқ мажлисидан сўнг Эфиопиянинг БМТдаги вакили Такеда Алему.
Унинг сўзларига кўра, БМТ хавфсизлик кенгаши Бангладешнинг роҳинжа мусулмонлари учун ўз чегараларини очиш қарорини ёқлайди ва Мянма ҳукуматини БМТ билан ҳамкорликка чорлайди.