Исроилда мусулмонча исм кенг тарқалгани аён бўлди
Исроил рўйхатга олиш ва иммиграция бошқармаси ўтган яҳудийча 5777 йилда фуқаролар фарзандларига энг кўп қўйган исмлар рўйхатини эълон қилди.
Рўйхатга яҳудийча исмлар билан бир қаторда яҳудийча бўлмаган номлар ҳам кирган. Маълум бўлишича, Исроилда энг кенг тарқалган эркак исми Муҳаммад, иккинчи ўринда ҳам мусулмонча исм Юсуф экан. Кейинги ўринларда Довуд, Дониёл, Уди, Омер, Эйтан, Ариэль, Ноам ва Адам исмлари турибди. Исроилда энг кўп қўйилган қиз бола исми тўрт йилдики Тамар бўлиб келмоқда. Кейинги ўринларда Адел, Мириам, Авигейл, Ноа, Шира, Талия, Эстер, Яэл ва Лия исмлари ўрин олган.