Президент Аллоҳ ва Қуръон ҳақида гапирди
Флилиппин президенти исломий янги йил муносабати билан ўказилган тадбирларда иштирок этди.
Родриго Дутерте мусулмон янги йили муносабати билан йўллаган баёнотида мамлакатда тинчлик учун дуо қилишга чақирди ва Ислом динининг эзгу жиҳатлари ҳақида гапирди, дея хабар қилади Manila Times.
«Мен Филиппиннинг мусулмон аҳолисини ва жаҳондаги барча мусулмонларни Амун Жадид, яъни Исломий янги йилни байрам қилишга чақираман», – деган Дутерте.
«Бу вақт бизнинг муқаддас Қуръонни ўқиш ва эзгу амаллар, шукроналик, руҳий кўтаринкилик ҳамда умид орқали Аллоҳга яқинлашишимиз учун жуда муҳимдир».
«Ушбу кунда мен ҳар биримиз учун ўзимизда излаётган ички хотиржамликни топишимиз ва мамлакатимиз ҳамда бутун дунёда тинчлик бўлишини сўраб ибодат қиламан».
Таъкидлаш жоиз, Исломда янги йил байрам қилинмайди. Ислом тақвимида байрамлар иккита – Ийд ал-Фитр ва Ийд ал-Адҳа.