Эрдўғон дўкон айланди
Туркия президенти Ражаб Тойиб Эрдўғон мамлакатнинг савдо марказларидан бирига шунчаки харид учун бориб одамларда катта ҳайрат уйғотди, дея хабар беради турк ОАВ.
Мамлакат раҳбари яқинда туғилган набираси Канан Ойбика учун кийим олиш мақсадида болалар дўконига кирди. Ойбика шу йилнинг 13 август куни дунёга келди ва президент бобосининг олтинчи набираси бўлди. Тармоқда эълон қилинган видеода Эрдўғон ўзининг 1,5 ойлик набираси учун иштончалар ва кўйлакчаларни усталик билан танлаётгани акс этган. Кассир қиз эса бу харидлар учун пул олишдан қатъий бош тортаётганди. Аммо президент ўзини оддий харидор атаб пулни барибир тўлади.