АҚШда ота-она «Худо адашмайди» деб қизининг ўлимига сабаб бўлишди
АҚШнинг Мичиган штатида яшовчи эр-хотин Жошуа ва Рейчел Пайланд ўз қизининг ўлимида айбланмоқда.
Улар қилган жиноят 15 йилгача қамоқ билан жазоланиши мумкин. «Благвест-инфо»нинг Christian Today га таяниб маълум қилишича, ота-она “Худо адашмайди” деб бетоб чақалоқ қизалоққа тез ёрдам чақиришмаган. Аниқланишича, чақалоқда сариқ касаллиги аломатлари бўлган. Аммо ота-она тиббий ёрдамга мурожаат этишни исташмаган. Терговчи Питер Скаччнинг сўзларига кўра, қизалоқ нафас олишдан тўхтаганда отаси унга сунъий ҳаво юборишга уринган, аммо буни қандай амалга оширишни билмаган. Бола нобуд бўлгач эса, эр-хотин уни ётоқхонага ётқизиб қўйишган ва черковдаги биродарларини чақириб боланинг тепасида қайта тирилишини сўраб ибодат қилишган. Полицияга мурожаат этишмаган.