Мусулмоннинг киндикдан то тиззагача қисми аврат
Малайзияда бир эркак етарли даражада сипо кийинмагани учун маъмурий жазога тортилди.
Кота Баруда истиқомат қилувчи 30 ёшли Вай Хайрул Хайи Валини кўчадаги фастфуд чодири олдида қўлга олдилар – Малайзия ахлоқ полицияси йигитнинг кўчада калта шимда (шортикда) юрганини кўриб қолди. Маълумки, Исломда эркак танасининг киндикдан то тиззагача қисми аврат ҳисобланади. Ван Хайрул эса жамоат жойида сон ва тиззаларини яланғочлаб юрганди, дея хабар беради IslamNews сайти The Independent.sg га таяниб. Қўлга олинган шахс машғулотлардан сўнг ҳозиргина футзалдан чиққанини ва бундай калталикдаги шимда юриш мумкин эмаслигини билмаганини айтди. Таъкидлаш керак, бу иши учун Ван Хайрулга жазо тариқасида мажбурий тарзда диний маърузаларга қатнаши белгиланади, холос. Аммо қоидабузарлик такрорланса ёки маърузалардан биронтасига бормаса, унга жарима солиниши мумкин.