Фаластин ва Исроил аёллари тинчлик намойишига чиқдилар
8 октябрь куни Ғарбий қирғоқдаги Иерихон шаҳрида юзлаб фаластинлик ва исроиллик аёллар икки томон ўртасидаги тинчлик музокараларини тиклашни талаб қилиб намойишга чиқдилар.
Намойишни ташкиллаштирган Аёллар тинчлик ҳаракати (Women Wage Peace)нинг сўзларига кўра, Ўлик денгиз бўйидаги ушбу тарихий шаҳарга Ғарбий қирғоқ ва Исроилдан кўплаб аёллар келишган.
«Бу қадимдан давом этиб келаётган низо дейишади, аммо бизнинг бувиларимиз ҳам биз болаларимизга нимани тиласак ўшани, яъни тинчлик ва тараққиётни исташган», – дейилади Twitter даги бир гуруҳда.
Аёллар тинчлик ҳаракати (Women Wage Peace) 2014 йил Исроилнинг Ғазода амалга оширган ва 2000 нафар фаластинликнинг ўлимига сабаб бўлган “Ҳимоя чегараси” амалиётидан сўнг ташкил этилган.