Мисрнинг футбол бўйича термаси жамоа бўлиб намоз ўқиди
Интернетда Миср футбол терма жамоасининг Конго билан муҳим матч олдидан бутун жамоа бўлиб намоз ўқиётгани тасвирланган видео кенг тарқалди.
Кейинроқ маълум бўлдики, Эктор Купер шогирдларининг Аллоҳга мурожаатлари изсиз кетмади. Саралаш баҳсларининг 5-босқичида Миср термаси “Ливерпул” тўпурари Муҳаммад Салоҳнинг дубли эвазига Конго устидан ғалаба қозонди. Таъкидлаб ўтамиз, ғалаба тўпини у иккинчи таймнинг асосий вақтига қўшиб берилган бешинчи дақиқада пенальтидан киритган. Миср футбол бўйича ЖС-2018 нинг 15-иштирокчиси бўлди. Аввалроқ турнирда иштирок ҳуқуқини Россия (мезбон), Бразилия, Эрон, Япония, Мексика, Бельгия, Корея, Саудия Арабистони, Англия, Германия, Испания, Нигерия, Коста-Рика ва Польша давлатлари қўлга киритган эди.