Путин вазирининг устидан нега кулди?
Яқинда Россия Федерациясининг қишлоқ хўжалиги бўйича ҳукумат кенгашида қизиқ ҳолат рўй берди – маърузачилардан бирининг диний саводхонлиги етарли даражада эмаслиги президент Владимир Путиннинг эътиборини тортди, у амалдор томонидан йўл қўйилган фактик хато туфайли ўзини кулгидан тўхтата олмади.
Қишлоқ хўжалиги вазири Александр Ткачев давлат раҳбари ва бошқа расмий мулозимлар қаршисида маъруза қилди. Видеоёзувда вазир «Германия Осиё давлатларига катта миқдорда чўчқа гўшти экспорт қилаётганини айтди ва у давлатлар қаторида Индонезияни ҳам санаб ўтди. Шу жумладан кейин президент Путин маърузачини тўхтатди ва унга Индонезия мусулмон давлатлигини ҳамда у ерда чўчқа гўшти истеъмол қилинмаслигини маълум қилди, деб хабар беради IslamNews. Бунга жавобан Ткачев «яхши, Жанубий Корея» деб гўёки хатосини тузатди ва кетидан «Нима фарқи бор?», – деб қўшиб қўйди. Вазирнинг бу луқмасидан кейин давлат раҳбари ўз ҳисларини жиловлай олмади ва юзини қўллари билан беркитиб кулиб юборди.