Автралиялик имом: Нью-Йоркдаги терактни 10 дақиқада тўхтатиб қолиш мумкин эди
Австралиялик имом Нью-Йорк мэрига шахсан мурожаат этиб, у яшаётган шаҳарда экстремистик қарашларга эга кўплаб инсонлар пайдо бўлганини айтгани, аммо мэр бунга эътибор қилмаганини сўзлаб берди.
Имом Муҳаммад Тавҳидий Нью-Йорк мэри Билл де Блазиога «радикаллашувнинг хавотирли даражаси» ҳақида иккита огоҳлантириш мактубини жўнатди, аммо жавоб олмади. Энди шаҳарда Ўзбекистондан келган ва радикал қарашларга эга шахс томонидан катта теракт содир бўлгач, австралиялик имом мэр де Блазиони муаммога вақтида эътибор бермаганликда айблаб танқид қилмоқда.
«Мен аминманки, агар Нью-Йорк мэри менга 10 дақиқа вақтини ажратганда, бу террорчилик ҳужумининг олди олинган бўларди», – деди имом. Бу ҳақида IslamNews сайти The Daily Mail га таяниб маълум қилмоқда. «Мен унга радикаллашган мусулмонларнинг ҳамда Эрон ва Саудия Арбистонидан молиявий ёрдам олаётган ташкилотлар рўйхатини берардим», – деди у. Тавҳидийнинг сўзларига кўра, у де Блазиога нафақат почта ва э-майл орқали хат жўнатган, балки мэр томонидан тушликка таклиф этилган дўсти орқали ҳам бу хабарни етказган. Аммо ҳеч қандай жавоб олмаган.