Нью-Йоркда Исроил сиёсатига норозилик билдирилмоқда
Нью-Йоркда Исроил давлатининг юзага келиши асос бўлган Бальфур Декларацияси қабул қилинганининг 100 йиллиги муносабати билан норозилик намойиши ўтказилди.
Исроил мухолифлари ушбу давлатнинг БМТдаги доимий ваколатхонаси олдига йиғилиб декларацияга ва Исроилнинг истилочилик сиёсатига қарши норозилик билдирдилар.
Намойишчиларнинг қўлларида «Фаластинга Озодлик!» ва «Сиёсий маҳбусларга озодлик!» шиорлари бор эди.
Бальфур декларацияси – 1917 йил Буюк Британия Ташқи ишлар вазири Артур Бальфурнинг сионистлар етакчиси барон Лайонел Уолтер Ротшильдга ёзган ва матбуотда эълон қилинган расмий хати бўлиб, унда муаллиф Фаластин ерларида яҳудийлар давлати тузишни Буюк Британия ҳукумати номидан қўллаб-қувватлашини баён этган эди.
Декларация эълон қилингандан (1917 йил 9 ноябрь) бир ҳафта ўтиб Севр тинчлик шартномаси имзоланди, унга Усмонлилар давлати ҳам қўшилди. Буюк Британиянинг Фаластинни бошқариш мандати эса 1922 йил Миллатлар Лигаси томонидан тасдиқланган.