Туркияда Бальфур декларациясига қарши чиқишди
Фаластин билан бирдамлик Ассоциацияси (FİDDER) вакиллари ва Beytülmakdis жамияти Истанбулда Бальфур Декларацияси қабул қилинганининг 100 йиллиги муносабати билан норозилик намойиши ўтказдилар. Маълумки, ушбу Декларация Фаластин ерларида Исроил давлатининг яратилишига олиб келган.
Beytülmakdis жамияти раҳбари Муҳаррам Гунеш Буюк Британиянинг Истанбулдаги элчихонаси олдида акция иштирокчилари номидан баёнот берди.
Унинг сўзларига кўра, Бальфур Декларацияси фаластин халқининг асосий ҳуқуқлари ва эркини чеклашга олиб келди.
«Демократия тушунчаларини ҳимоя қилувчи ҳамда инсон ҳуқуқи ва эрки учун курашувчи давлатлар фаластин халқининг бир асрлик фожиасини эътиборсиз қолдирмоқдалар ва баъзан ўз баёнотларида Бальфур меъроси билан фахрланамиз дея ҳадларидан ошмоқдалар ҳам. Бальфур Декларациясига 100 йил тўлган ушбу кунда Буюк Британия Исроил режимига ёрдам бераётгани ва бу билан фахрланаётганини англаши керак. Кечирим сўраш ва тарих саҳифаларидаги қора доғнинг масъулиятини зиммаларига олиш ўрнига Буюк Британия тарихий адолатсизликни байрам қилмоқда», – деди Гунеш.