Сурия мухолифати Асадга талаблар қўйди
Саудия Арабистони пойтахтида бўлиб ўтган Сурия мухолифати музокаралари бўйича Ар-Риёд Олий қўмитаси мажлисида якуний баёнот қабул қилинди.
Ҳужжатнинг асосий пунктида Башар Асаднинг истеъфоси ҳамда «репрессияларнинг тўхтатилиши» талаб қилинади.
Айни вақтда, мухолифатчилар давлат институтларини сақлаб қолиш ва қайта шакллантириш заруратини тан олдилар, бироқ «хавфсизлик органлари ва ҳарбий кучларни қайта шакллантириш кераклигини» таъкидладилар. Шунингдек, делегатлар мамлакат ҳудудининг яхлитлигини сақлаб қолишни ёқлаб овоз бердилар ҳамда унинг бирон қисми ажралиб чиқиши мумкин эмаслигини таъкидладилар.
Терроризм билан кураш ҳужжатда алоҳида банд бўлиб келади. Жумладан, мухолифат терроризмнинг ҳар қандай кўринишлари билан, шунингдек, хориждан, хусусан, Эрон томонидан мамлакат ички ишларига аралашувга қарши курашишга тайёрлигини айтган. Кенгашда 150 га яқин суриялик мухолифатчилар, шунингдек, Россия президентининг Сурия бўйича махсус вакили Александр Лаврентев бошчилигидаги делегация ва БМТнинг Сурия бўйича махсус вакили Стеффане де Мистура иштирок этган.