Бишкекда терроризмга қарши флешмоб ўтказилди
Спутник-Қирғизстон хабар беришича Қирғизстон пойтахтининг Ала-Тоо майдонида “Бутун дунёдаги тинчлик учун” шиори остида флешмоб ўтказилди.
Турли хил университетларнинг талабалари “Дунёдаги тинчлик тарафдори бўлсанг икки марта сигнални бос” ва “Терроризмга қарши бўлсанг – сигнални бос” деган ёзувларни кўтариб йўл ёқаларида туришди. Бу ҳаракат жамоатчиликнинг диққат-эътиборини мазкур долзарб муаммога қаратишга мўлжалланган эди. Дарвоқе деярли барча ҳайдовчилар талабаларнинг чақириғига жавоб беришди.