ҚМДБ: юракни тебратиб, кўзга ёш келган кеча
Олмаота шаҳридаги Республика саройида пайғамбаримиз Муҳаммад соллоллоҳу алайҳи васаллам туғилган ойи шарафига бағишланган маулид маросими бўлиб ўтди.
Маънавий тадбирда Қозоқистон мусулмонлари диний идораси раиси Ержон ҳожи Малғожиўғли, муфтият ходимлари, вилоятнинг бош имомлари, олимлар, зиёлилар, шаҳар аҳолиси иштирок этишди.
«Санъат қиронлари» театрининг пайғамбарға соғинч, ота-онанинг қадри, қариндошлик алоқалари, масжид қуришнинг савоби мавзулари бўйича қўйилган сахна кўринишлари томошабинларнинг юракларига йўл топиб, кўзларига ёш олдилар. Машҳур айтишув санъати устаси, шоир Дидор Қомиевнинг ижросидаги «Она қадри» қўшиғи ҳам саройга йиғилған томошабинни тебрантириб, оналаримизни ҳурмат қилишнинг ажойиб намунасини кўрсатди.
Тадбир давомида башариятнинг сараси бўлган пайғамбаримыз Муҳаммадга соллоллоҳу алайҳи васаллам салавот айтилиб, дуолар қилинди.
Саҳнага чиқиб, жамоатни мавлид маъракаси билин табрик этган Бош муфти Ержон ҳожи Малғожиўғли:
«Бизнинг, мусулмон умматининг кундалик ҳаётимизда Аллоҳ элчисининг намунали сўзлари асос бўлиб, акс эттирилиши лозим. Пайғамбарга садоқат мана шундан бошланади деб ўйлайман. Биз пайғамбар суннатига қанчалик садоқатлимиз? Мана шу савол ҳар бир мусулмонни ташвишга солиши керак деб ҳисоблаймиз. Бугунги тадбирда ажойиб санъати ила халққа пайғамбарнинг соллоллоҳу алайҳи васаллам намунали ҳаётини тарғиб қилган «Санъат қиронлари» театр ходимларига, шоир Дидор Қомиевга, маулид тадбирини ташкиллаштирган дин арбобларига, Олмаота шаҳрининг имомларига алоҳида миннатчорчилик изҳор этаман. Аллоҳ рози бўлсин! Мавлид муборак бўлсин, азизлар», – деди.
Тадбир ниҳоясида жамоатга қимматбаҳо манъавий китоблар бепул тарқатилди.
Таржимон Баходир Тажиматов