Маҳмуд Аббос: Фаластин бундан кейин АҚШнинг тинчлик жараёнларида иштирок этишига йўл қўймайди
АҚШ Фаластин-Исроил тинчлик жараёнларида воситачи мақомини йўқотди.
Yenicag.Ru нинг «Анадолу»га таяниб хабар беришича, бу ҳақида Фаластин президенти Маҳмуд Аббос Ислом ҳамкорлик ташкилоти (ИҲТ)нинг Истанбулда ўтаётган саммитида айтган.
Аббос Фаластин АҚШнинг бундан кейинги тинчлик жараёнларида иштирок этишига йўл қўймаслигини маълум қилди.
«Биз истило қилинган Фаластиннинг тан олиниши учун бутун кучимиз билан ҳаракат қилишимиз кераак», – деди Фаластин президенти.
Аббос Қуддус Фаластиннинг тан олинган пойтахти бўлмас экан, ҳудудда тинчлик ва барқарорликка эришилмаслигидан огоҳлантирди.