Австралияда Шариат жорий этилиши мумкин
Британиянинг The Guardian газетаси Австралия бош вазири Малколм Тарнбуллнинг баёнотига таяниб маълум қилишича, мамлакатда “маълум доираларда” Шариат қонунчилиги тан олиниши мумкин.
Гап шундаки, Тарнбулл бир гуруҳ экспертларга мамлакатда динларни ривожлантириш бўйича таклифлар тайёрлашни буюрди, бу таклифларнинг бир қисмида эса мусулмонлар учун шариат қонунларини жорий этиш назарда тутилган эди.
Шариатни жорий этиш тарафдорлари қаторида Квинсленд университети профессори Николас Арони ҳам бор. Унинг таклифига ишчи гуруҳнинг қолган тўрт аъзоси қўшиладими ёки йўқ – ҳамма гап шунда. Ишчи гуруҳни мамлакатнинг собиқ прокурори Филипп Руддок бошқаради.
Эслатиб ўтамиз, фақат никоҳ ва талоқ, шунингдек, мерос тақсимлаш маслаларига доир Шариат қонунлари ҳақида гап кетмоқда. Шариат қонунчилигидан фойдаланишни ё фойдаланмасликни мусулмонларнинг ўзлари ҳал қиладилар. Табиийки, маҳаллий миллатчилар, исломофоблар, радикал либераллар, жумладан, феменистлар ва бир жинсли никоҳ тарафдоралари бу ёндашувга қатъий қаршилик кўрсатмоқдалар. Улар Шариат қонунларини асло жорий этмаслик керак деб ҳисоблайдилар.
Айни дамда Ғарб давлатлари орасида Шариатни параллел юрисдикция сифатида фақат Греция тан олган. Лекин сўнгги пайтларда у ерда ҳам бундан норозилик шиорлари баралла янграб қолди.