Франк Рибери икки ойлик суриялик болага ҳамжиҳатлигини кўрсатди
Икки ойлик Карим Базар Асад режимининг ҳужуми пайти яраланган юзлаб сурияликлардан бири бўлди.
Мюнхеннинг «Бавария» футбол клуби ярим ҳимоячиси, француз Франк Рибери Дамашқ яқинидаги Шарқий Гута шаҳарчасининг ўққа тутилиши натижасида онасидан айрилиб, бир кўзи кўрмай қолган суриялик икки ойлик Каримга маънан мадад берди.
Аввал Туркиянинг «Галатасарай» клубида тўп сурган Рибери ўзининг Twitter аккаунтида чап кўзи бекитилган суратини эълон қилиб, жажжи сурияликка ҳамжиҳатлигини изҳор этди.
Сурат тагига машҳур футболчи «SolidarityWithKarim» («Карим билан ҳамжиҳатман») деб изоҳ ёзди.
Жажжи Карим Башар Асад кучлари томонидан Суриянинг Шарқий Гута вилояти ўққа тутилганда жароҳат олган юзлаб сурияликларнинг биридир.
Шарқий Гута мана беш йилдирки Асад режими томонидан қамал қилинган ва у ерда 400 минг киши яшайди.