Мусулмон аёл ёнғинда кўрсатган жасорати учун ҳукумат томонидан тақдирланди.
Ўтган йил 4 август куни Махачқала шаҳрида содир бўлган воқеада Ойша Нажмудинованинг ўзи ҳам ҳалок бўлиши мумкин эди.
Ўша куни тонг саҳарда у ловуллаб ёнаётган қўшнисининг уйни кўриб ёрдамга шошади. Уйдаги одамлар ҳали уйғонмаганликлари сабабли Ойша ўз уйидан сув шлангини тортиб алангани ўчиришга қиришади. Олов эса томорқа ва боғ сари ёйилаётган эди. Бирдан кўтарилган шамолдан дарахт новдаси синиб Ойшанинг юзига урилиб кетади. Натижада унинг кўзлари жароҳатланади. Ислам.ру хабар қилишича, соғлигини тиклаш учун Ойша иккита жарроҳлик амалиётини бошидан ўтказди. Кўрсатган жасорати учун Россия Фавқулодда ишлар вазирлиги Ойша Нажмудиновага “Ёнғиндаги жасорат учун” медали билан тақдирлайди. Маросим 27 декабрь куни вазирликнинг Доғистон бошқармасида бўлиб ўтади.