Британия вазири: «Тамимийнинг қишлоғига Исроил аскарлари кирмаслиги керак эди»
Британия ҳукумати фаластинлик машҳур исёнкор қиз Аҳад Тамимийнинг ҳибсга олинишига нисбатан кескин норозилигини билдирди ва қиз ҳибсга олинган кун Исроил аскарлари умуман Набий Солиҳ қишлоғида бўлмаслиги керак эди, деди.
Лейбористлар партиясидан депутат Жулия Эллиот Тамимийнинг «яшил чизиқ» ичидаги Исроил қамоқхонасида ушлаб турилиши Женева конвенциясининг 76-моддасига зидлигини таъкидлади. Моддада истилочи ҳукумат маҳбусларни истило қилинган ҳудуддан ташқарига олиб чиқиши мумкин эмас, дейилган.
Британия ташқи ишлар вазирлигидаги Яқин Шарқ ва Ҳамдўстлик масалалари бўйича давлат вазири Алистер Берт эса Тамимийнинг оиласини шахсан танишини айтди ва вазиятни «аянчли» деб баҳолади.
«Гап шундаки, аскарлар умуман у ерда бўлмаслиги керак эди, қиз эса ўша вазиятда тўғри йўл тутган», – дея таъкидлади у.